روحي اخذي فليساتج ياعمه
فدوه شكد كريمة الدوله عمه
انتي شلون عمتي
راتب ماستلمتي ..
انتي شلون عمتي
راتب ماستلمتي ..
روحج كلها يمه .. يعمه يعمه
م2: وليدي عمتك كلش فطيره
ضلت رح تضل بس عل حصيـرة
وليدي عمتك كلش فطيره
ضلت رح تضل بس عل حصيـــرة
الراتب ماستلمته
لاكو فلس شفته
ولا شميته شمه
ياعمه .. ياعمه
م1: ابويه يكولج بس انتي روحي
ياعمه شبيج مو طلعتي روحي
ابويه يكولج بس انتي روحي
روحي للبَنك بس انتي روحــــــــي
يمكن زيدوهن
يمكن مانسوهن
ابويه احترك دمه
ياعمه ياعمه
م2: ياعمه شبيك لاتزيد بلوتي
شنهي تصير عل دولة انت لوتي؟
ابوك بكيفه يحجي
الوادم كلها تبجي
عوفه اني اكلمه
ياعمه ياعمه
م1: ياعمه شبيج .. جربي وشوفي حظج
بلكي والبخت ينطوج حصتج
مو كومة اشتغلتي
ولايوم اعترضتي
وماوكلوج لحمه
ياعمه ياعمه
م2: ياعمه عوفني هالوضع خابط
ياعمه شبيك لك موصعدي ضاغظ
اذا رحتلهم اني بصل يشوي على ذاني
كلمن اجيب اسمه
ياعمه ياعمه
--------------------------
نشلة وكحة :
ش1: حبيبي شلون صحتك ؟
اشو ماتحجي ويايه
ولا حركت شفتك ..
حبيبي شلون صحتك ..
اضعفت .. وتغيرت كلش صرت
مو ذاك العرفتك ..
حبيبي شلون صحتك؟
ماضل بيك شي صاحي
ماضل غير اسمك.. ..
حبيبي شلون صحتك؟
تريد تعيش ليش تعيش؟
الموته اريحلك ..
حبيبي شلون صحتك ؟
اخاف تضن يركعوها..
.. كلما تركع تنشك
حبيبي شلون صحتك ؟
شنو خايف على فهيمه ؟
وقلقان على ولدك؟
حبيبي شلون صحتك؟
قابل انت لوموجود
عل العبوات تلحك؟
حبيبي شلون صحتك ؟
ش2: هوه يجاوبك ويكول
ياصحة الي تسأل عنها يمعزه ..
اذا اني بوضع يومية فزه ..
ولك مية بطل بعشيقه مااثر
عليه ولا الف مزه ..
ش1 : اني ارجع اجاوبه ..
بس انت بطل وسبع وابن سباع
ومن تمشي نشوفك جن تشك الكاع
لو عندي دوه .. ماجان عفتك هيج
بس هيه الوزارة تكول كله انباع ..
ش2: وهو يرد يجاوب ..
دوا ييش ؟ دواييش.. ؟
جا هو المواطن صار كيلو بيش؟
مو وكت الدوه هسه ... خلينا بالاول نمتلك جيش..
لك دوااييش ...
------------------------
بس لو ..
جان الحضر فتحو
وجان العدو كتلو
وجان الهاج رجعو
وجان الوضع بدلو
وجان الضوه شافو
وجان البوك وكفو
وجان العوج عدلو
وجان النقص كملو
وجان العطل صلحو
وجان الماي صفو
وجان الوطن ماباعو
وجان الحبل شدو
وجان الصدك كالو
وحجي الجذب بطلو
والشعب جان احترمو
وك بس لو .. بس لو ..
-------------------
1: ياارضنا .. ياارضنا
عافوج اهلج كم سنة ..
ياارضنا .. ياارضنا
مدري شني جاري لنا ..
ياارضنا .. ياارضنا ..
جا وينها فلاليحنا ؟؟
ش2: لك ياارض هاي التحجي بيها .. ؟
ماضل لا وطن ولا ارض
عدنا التسمعك من تحاجيها ..
جا كلنا عفناها بيد الامريكان
وبيد المايهمهم شنهي تاليها ..
وهسه تعاتب ومقهور انت
جاي بكل قهر تحجي عليها ..
شخليت انت بهالارض
وشساعدت.. شزرعت بيها ؟
لو بس تجيب انت الكرك
وتكول حصتك ماتخليها ..
لك يفترض احنا حرس
ونكص رجل كلمن يكرب ليها ..
بس للاسف هيه صفت
مثل المثل اليكول حاميها حراميها ..
---------------------------
كعدت بخيمتي عل منظر الروعة
وكدامي الفرع بيه فد خيم تسعه
عود احنا الفرع مابيه خيم كومة
موهذا الفرع طلعت عليه سمعه
كلها من ابو سوادي الا اجا لينا
وجاب وياه موبايل ابو الدمعه
يسمع بيه ام كلثوم واصاله
ويسهر للصبح إعلا ضوه الشمعه
عليمن جايه هاي الوادم وتحجي
احنا احرار كل واحد عليه فرعة
صرنا بدينا غير الدنيا بالعالم
مو الفين احنا بعام بس سبعة
لا عدنا امان ولا حياة عدله
ومن الماي ماجتنا ولا كمعه
وعندي الخيمة بيها تايرات هواي
تمشي نكره سلف بلايه دفعه
وبيها الكير خمس انمار
بيها معدله السرعة
اكولن خاف هم يهجولونا
نكضيه للعمر شلعه باثر شلعه
--------------------
مطار بغداد الدولي :
ش1:
لا تروحن بالمطار .. يابه والله تبتلي
ماعليهم اعتماد تسمع الطيار
يحجي يكولك حجنجلي بجنجلي
..لك يابه والله تبتلي
كاعد اني وبالمطار صاحو اسمي
كلت ها عيني بلي ؟
كالو ارجع يابه ماكو اليوم سفره
شنهي ماشوفن هلي؟؟
يابه والله تبتلي
ويايه هم معرسه وتاليها كعدت
لاحضت برجيلها ولاخذت سيد علي
يابه والله تبتلي
ماكو مايسفروك ايس ..
والله لو سفروك .. اذبحلك طلي..
يابه والله تبتلي
ش2:
شعدي رايح للمطار مخبل اني ؟
هوه اني خايف واني بمجاني ..
النوب اروحن للمطار مسودن اني ؟
-------------------
اخويه الوضع صاير فري دنجر
يومية انفجار وعبوه كدامي
ويومية الطلق فوكانا يفتر ..
وبيديهم سلاح الابد مايوكف
ومايرتاح لحظة وماتزنجر ..
وكاضيها رمي دك بس علينا
تكول اهداف عدهم واحنا سنتر
ولك ماضكنا طعم النوم مرة
وعلى دك القنابل كلنا نسهر
بالك لا تمد راسك من الباب
راسك بس يشوف الباب يتطشر
اخويه الوضع صاير فري دنجر
.gif "عضو فضي")
