حوار الاحبه

--------------------------------------------------------------------------------

إجتي الروح للكلب وكالت كافب إفراك..........وماتدري الروح هوه الكلب حيل مشتاك
كاللهه الكلب شسوي راح وبعد عني..........والوكت والله اعوج خذه وراح مني
كالت الروح شنو حل هذه موضوعي.......كاللهه مو بيدي يلة إرحمي إدموعي
إجتي العين تبجي إتكول إلحكو عيوني...........إتكول خلص دمعي وهسه يمة رجعوني
كال الكلب للعين مشتاك اشوفه.........هوه حبي الوحيد وللموت ماعوفه
كالت العين شلون إنشوفه وهو ماموجود...........كللهه إدعي من الله بلكي هسه إيعود
ردت إجتي الروح كالت إلحكو عليه............خلصت روحي وماظل حيل بيه
كال الكلب صدكي مو بيدي ياروح...............هوه تركني وعاف إبنص الكلب إجروح
ردت إجتي العين كالت بعد ماشوف............شوفوا الدمع من عيني إجروف
كالت الروح للعين دمعج عالخد انهمل؟؟؟...........كالت إصبري إبقي دوم إعله الامل
كال الكلب للروح با أمل تحجين بيه..........راح وبعد وماأجه خلص كلبي عليه
لاخبر جاني والبعد عنه بجاني.............والوكت بفراكه حيل أذاني
كالت العين شو هوه إلبعد وإلراح...............وعطر الدمع من بعده فاح
إجراحه اذتني وما بقت بيه نظر.............وخلص بهجره صبري وكل العمر
رجعت إجتي الروح كالت نسانه...........كاللهه الكلب نسه وهو بحبه اذانه
اذانه وحيل اهواي صعبة اذيته............وإمن الأذية البيه دمعي بجيته
بجيت الدمع ونزلته عالجفنين............وإمن الدمع صدكني ماتت العين
كالت العين عيني ذابت شوفولي حل..........اريد الدمع يوكف اريد الدمع إيقل
كاللهه الكلب مابيدي حل صعبة القضية...........وبعد ما اكدر اتحمل هااااي الاذية
ردت إجتي الروح كالت روحي خلصت...........متعجبة عود العين العين دمعت؟؟؟؟
دمعت عينّهه وظل شوف بيه..............وصدكوني النظر بعدين يرجع عليه
كالت العين للروح يانظر يرجع؟؟...........إذا إمن الصبح لليل العين تدمع
رد إجه الكلب كال حل البنية..............حلوة هيه وصعبة إتضيع من إدية
كال إنحبهه سوية ومانختلف بيوم............إنظل صافنين إبوجهه ننسه حته النوم
هي حبي الوحيد وتاج راسي...........وهي اعز ومن اغله ناسي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
تحياتي الى كل محب معذب.........
كتبت هذه القصيدة بتاريخ 5/8/2009
اتمنى ان تنال اعجابكم[center][b]

مشكور
عل الموضوع الجميل
تحياتي الك

شكرا