كلش مو طبيعي ودخت كلش بيك
وداخت من حجيت وياك كلماتي
شفتك غوشت عيني وكمت ما شوف
درت وجهي صفح شفتك باذاناتي
**********************
اشدادك فكة من جنحي ( والاشكال )
وعذابك مو شكل واحد ( ولا اشكال )
لو تدرون الزعل شنهي ( والاشكال )
شلونك كلت كال تعيل بية
**********************
من كالو اجه الكل طلعوا يركضون
والبيبان طلعت هية والعتبة
من كد ما حلو لزمو سرة يسألوه
وك شنهي انت حلاتك صدك لو جذبة
************************
الحقيقة ليش يا هالناس ( تنزاف )
وجروح القلب تظل للدوم ( تنزف )
صفت بنت العم لابن الغير ( تنزف )
وابن عمهه يلوج من الاذية
************************
وك مثل لهفة سجين متاني الافراج
عليك اني صرت صدكني ملهوف
واذا كتلك احبك آنه غلطان
لان حتى الاحبك ناقصة حروف
***********************
تعال احسب بهمي ( عده انت )
وكلبي شعنده غيرك ( عنده انت )
ازعل الناس كلها ( عدا انت )
لان زعلك يزعلني علية
**********************
ماترهملي بس تفصال احس بيك
ومر تكل واضوكنك شمحلاك
هلة بجيتك اصيح وانت ماجاي
واقشمرني واكوم اتشابك اني وياك
***********************
شلونك يالمانساك القلب ( مرة )
وصدكني كل ليالي جفاك ( مرة )
شيضرك بالحلم لو مريت ( مرة )
عزيز انت وتظل غالي علية
**********************
مو من طين ذني خدود من جام
وطبع الجام يبقى شما تعب يلمع
اخاف من ارد ابوسك تطبع شفاي
وتظل شفتي على خدك ما بعد تطلع
***********************
امجلب جيف احبك بعد ( ماهد )
وجرحي الهاج من جفاك ( ماهد )
جذب لو يوم آنه وياك ( ماهد )
لهد لو صارت الهدة علية
**********************
منو كال الاجفوف دك على البيبان
شفت جفك بعيني تدكه بيباني
ومنو الكال اليموت يدفنه اي دفان
اني ارجع عدل لو انت دفاني
**********************
عجب دفتر عشكنة ( ما تكلبة )
وليش انت اليكلبك ( ما تكلبة )
ترة كلبي بغيابك ( مات كلبة )
كلب كلبي توفه وعم علية
**********************
لحظة الماشوفك كلشي مني يضيع
ومو من عمري هاي اللحضة محسوبة
ما نامن بعد خليني اباوع بيك
عيوني لشوفتك كم عام مطلوبة
*********************
ما مرتاح صدك ( منظر آنه )
وعمت عيني بغيابك ( منظر آنه )
صرت للناس بعدك ( منظر آنه )
وتجيني الناس تتفرج علية
**********************
تحياتي
تقبلو مشاركتي المتواضعة
.gif "عضو فضي")
.gif "مشرف قسم العام")
