(خذني يمك)
خذني يمك بعد ماضل كل عذر
لأتعتذر.
ليل عمري وعمرك مخلص بعد
مابيه صبر.
خل نلم احلامنه ونحفظ صورهن.
كبل لاياخذهن بدربه الفجر.
خل نلم الباقيات أسنيني وسنينك نسويهن عمر.
وهنه ميكفن عمر.
ونبدي من جده وجديد بواهس اسنين الزغر.
ولو وازانه الكبر خلي تمشي أيامنه بخطوة العاقل من عثر مرة ورجع يمشي حذر.
خل نعيش الحب سترخل نضم
ارواحنه أبيناتنه ويه اسرارنه ولانشتهر.
وافتخر بي اويه روحك وانه وي روحي اضل بيك افتخر وخل نسوي العشره ورقه ونصنع من الدمعه والضحكه حبر.
حته كل لحظه التمر بالجاي نكتبهه شعر.
خل نكول الماضي غلطه وذنبك يسجل ذنب من ينذكر.
حبني واجبرني اعله حبك الروح
ماتعشك لون ماتنجبر السيف ماينهاب لوماكو الطبر.
حبني لضل تعتذر.خل نغط بالماي.موصرنه جمر.
وبلكي نصحه من السكر.
وبلكت المامركبل هسه يمر.وبلكت جناح العشك لبعيد ياخذنه ويفر.ونترك الممنوع والميصير وانمر عالخصر.
ومحد يكلي انته بايك من ابوسن كاع روحك كل شبر.واعترف راح اعترفلك واحنه شو نفس الأمر.
اثنينه انبعنه بسعر جوه السعر.اثنينه انبكنه حدر شمس الظهر.
اثنينه السجين تانتنه نذر.
اثنينه اتوهمنه بالحب ننتصر.اثنينه نعاني الغدر.
واعترف راح اعترفلك جان كلبي اشكد جسر وبيدي جتفته الجسر.وآنه وزيت الحمامه اعله النسر.
واسمع السر الخطر.صنم سويته بيدي وادري ماينفع يضر وحاطه اكباله عجيبه الشوك من عنده انتظر.
انته مثلي بهل أمر صنم سويته بديك شتنتظر؟!
خل نهدم اصنامنه وكافي كفر.وبلكت وياك وانه وياك استمر.وبلكي نهده ونستقر.
خذني يمك كبل لايخلص صبرنه.
ويطفه دم اوجوهنه وتطلع صفر.
خذني يمك كبل لاينحك ذهبهه اطباعنه وتطلع صفر.
خذني يمك كبل لارمضان يفطر.ويفكر العالم مثل جية صفر.حطني يمك كبل لاينحط صفر يم الصفر.حطني يمك كبل لايم الصفر ينحط صفر..
_________
.gif "عضو فضي")
.gif "مشرف قسم العام")
