ما اكتب شعر ولا اطرب ويه الناس
ولا اخلي الكلب من غيرج يعاشر
شكد اني كتبت بس مو شعر محسوب
ومن اكتبت عنج اي صرت شاعر
تغفه اكبال عينج كل الحجايات
وتفززهن ارموشج جن سحر ساحر
اجذب من احبج حب مثل هالناس
حبي وياج ما ظن بالبشر صاير
الطفل من يحب امه الفطره تبدي وياه
وتكبر يوم يوم وما يظل حاير
ونه حتاريت بيج وبالكبر حبيت
بس جني طفل واكسر الف خاطر
ما جذب عليج وعاشرت اشكال
وانهي اليوم قصه وابتدي باجر
واواعد هاي هسه وذيج بعد ايام
وتمشي وياي وحده وثانيه تناطر
بس لمن لكيتج كلشي بيه انهار
وردت بس كلبي اروضه واني ما كادر
اذا اغسل اذنوبي اباب كلبج عود
هم ابقى انه مذنب واعتبر كافر
_________
.gif "عضو فضي")
.gif "مشرف قسم العام")
.gif "عضو نشط")
.gif "المدير")
